Hazrat Gaus Ul Aalam Mehboob E Yazdani

Hazrat Gaus Ul Aalam Mehboob E Yazdani

Hazrat Gaus Ul Aalam Mehboob E Yazdani , ” Walid Majid ka Name Mubrak: Sultan Syed Ibrahim Noor Bakhshi Samani (King Of Simnan Iran)

Walida Majida Ka Naam: Bibi Khadija Begam (She belonged to the dynasty of Khwaja Ahmed Yeswi who was a distinguished Sufi (Mystic) of his time and founder of Yewaisia order)

708 Hajri Paidaish Ki Saal Hai Aur Sirf 05 Saal Ki Umr Mein Qirate Sab’aa Mein Quran Kareem Hifz Kiya.

722 Hijri Takmeel E Uloom O Funoon 14 Saal Ki Umr Mein.

723 Hijri Takht Nashini (King Of Sinmnan Iran) Walide Muhtaram Ke Wisal Ke Baad.

733 Hijri  Tarke Saltanat (Badshahat Chhodna) Muddate Khilafat 10 Saal.

735 Hijri  Baiat O Khilafat Simnan Se Pandwa Shareef Ka Faasla 2 Saal Mein Tamam Hua.
735 Hijri Se 741 Hijri (6 Saal) Pehla Qiyaam Pandwa Shareef.

742 Hijri Rawangi Pandwa Shareef Se.
742-43 (Ahde Sultanat Tuglaqya) Jonpur Mein Pehli Aamad.

Yaha’n Se Hazrat Gaus Ul Aalam Ne Program Banaya Aur Ek Arsaa Tak Bilade Sharqiya Wa Mamalike Islamiya Ki Sair Farmate Rahe Jaziratul  Arab Ke Alawa “Misr” Rom” Shaam” Iraq” Aur Turkistan Ke Mukhtalif  Ilaqo Aur Shahron  Mein Bhi Aapka Guzar Hua Aur Us Waqt Ke Jumla
Mashaikhe Izam Aur Auliya E Kabaar Se Aapne Fayuz Wa Barkaat Hasil Kiye.

750 Hijri Mein Haji Nizam Yamni Moallif “Lataif E Ashrafi” Hazrat Gaus Ul Aalam Ke Silsila Iradat
Mein Daakhil Hue Jo Hazrat Ke Safar O Hazr Mein Aakhri Dum Tak Saath Rahe.

758 Hijri Hindustan Wapsi Mamalike Sharqiya Ki Pehli Sayahat Ka Zamana Pandra (15) Saal Qayaas Kiya Gaya Hai Bild Sharqiya Ki Wapsi Ke Baad Hazrat Gaus Ul Aalam Ne Dusri Baar Safar Pandwa Shareef Ikhtiyar Kiya Aur 04 Saal Tak Apne Peer O Murshid Ke Fuyuz O Barkaat Hasil Farma Kar Harmain Shareefain Ki Ziyarat Ka Do Baara Qasd Kiya Issi Safar Mein Aap Apni Khala Zaad Bahen Ki Mulaqat Ke Liye Geelan (Jilaan) Pahonche Aur Apne Bhanje Syed Abdur Razzaq Noorul Aain Ko Apni Farzandi Mein Qubool Farmaya Yeh Hijri 764-65 Ka Waqia Hai.

764 Hijri Ke Safar Ke Dauran Aap Apni Khala Zaad Bahen Ki Mulaqat Ke Liye Gilan Pahonche Aur Apne Bhanje Hazrat Syed Abdur Razzaq Noor Ul Aain Ko Apni Farzandi Mein Qubool Kiya.

(Ref. Hayat E Gaus Ul Aalam Safa No.93)

768 Hijri Hindustan Ko Dobara Wapsi ” ” Mamalike Sharqiya Ki Dusri Sayahat Galiban 10 Saal Par
Mushtamil Hai.

770 Hijri Mansab E Gausiyat Par Faiz Hona Bamuqam Gulbarga Shareef.

782 Hijri  Mehboob E Yazdani Ka Khitab Mila Bamuqam Rooha Baad Kichauchha Shareef Ussi Sana (Year) Mein Hazrat Gaus Ul Aalam Ne Teesri Baar Apne Murshid Ka Niyaz Hasil Karne Ki Garaz
Se Pandwa Shareef Ka Safar Kiya.

804-805 Haijri Jonpur Mein Dusri Aamad (Ahad Sultan Ibrahim Saljoqi)

808 Hijri Wisal E Mubarak 28 Muharramul Haraam.

Mazaar Sharif Roohabad Kichauchha Shareef India.

(Ref. Gaus Ul Aalam & Sahaefe Ashrafi)

Aamad E Makhdoom Ashraf Jahaan’geer Simnani

Ki Khabar

Ba-Zubane Sultanul Hind Khwaja Gharib Nawaz

Risala Ghousiya Me Sultan Ul Hind, Khwaja E Khwajgaan,Hazrat Khwaja Moin-Ud-Din Hasan Chishti Ajmeri Alayhirrahmato Wa Ridwaan Tehreer Farmate Hain..!!
“Mere Silsile Me Ek Ghous “Jahaan’geer” Payda Hoga Aur Woh Tarakki Ke Saath Mere Silsile Ko Jaari Karega..!!”

Huzur  Ashraf  Simnaa  Ke Naam  Ka Sadqa

Hamari Jholiya Bhar Dijiye Ya Garib Nawaz

Aabad Rahe Ashraf Ka Chaman

Ya Khwaja Moeen-Ud-Din Hasan

!!.. Ashrafi Naaz Ker Tu Ashraf Per ..!!
!!.. Koun Paata Hai Khandaan Aysa ..!!

Murshid E Makhdoom E Simna Qutb E Bangaal

Shah Alaaul Haq Pandavi Radiyallahu Anhu

Urs:- 23, Rajabul Murajjab, Mazar :- Pandva Sharif, (West Bengal India Neer Katihar)

Aap Kon the ???

Hazrat Sayyedna Makhdoom Alaul Haq Pandvi Chishti Radiyallahu Anhu Gousul Aalam Hazrat Sayyedna Makhdoom Ashraf Jahangir Simanani Radiyallahu Anhu Ke Pir O Murshid He Aur Aaina E Hind Hazrat
Sayyedna Makhddom Sirajuddin Akhi Chishti Radiyallahu Anhu Ke Khalifa He Aur Ye Aaina E Hind Hazrat Sayyedna Makhddom Sirajuddin Akhi Chishti Radiyallahu Anhu Sultanul Mashaikh Hazrat Sayyedna Khwaja Nizamuddin Aulia Mehboob E Ilahi Radiyallahu Anhu Ke Chahite Khalifa He.

Hazrat Meer Auhaduddin Sulatan Sayed Makhdoom Ashraf Jahangir Simnani(R.A) Tasanif-E-Kaseera They, Apke Khama-E-Paak Se Jo Sufiyana Tahreere Mukhtalif Unwaan Par Hai Sange Meer Ki Hasiyat Rakhti Hai, Haq Ta’ala Ne Ilm-E-Ladunni Ke Darwaza Ap Par Parwah Kar Diye The. Apki Zyadatar Tasaneef Safar Mein Raqam Hui Hai Safar Mein Qutub Khana Sath Sath Hota Tha Muta-Alaa Bahut Wasi Tha, Aap Mushkil Ash-aar Par Hazir Jawab The.

Hazrat Makhdoom-E-Paak Ne Khaas Taur Par Ilm-E-Tasawwuf Par Hazrat Noor-Ul-Ain Ki Farmaish Par Fatawa-E-Ashrafiya Tasneef Ki,

Fusoos-Ul-Hukm Ki Sharayi Likhi,

Qawaid-Ul-Aqaid Arabi Mein Douran E Makka Sharif Likhi,

Sheikkh Shahabuddin Soharawardi Ki Mash’hoor Kitaab Awariful-Ul-Muarif Ki Sharah Likhi,

Ashraf-Ul-Fawaid Gujrat Mein Taleef Farmayi,

Unme Aksar Risail Napaed Hai Kyoki Ye Risayil Aksar Safar Mein Likhe Gayi Thi.

Gaus Ul Alam Mehboob-E-Yazdani Hazrat Meer Auhaduddin Sultan Sayed Makhdoom Ashraf Jahangir Simnani(R.A.) Kichauccha Sharif Has Written A Number Of Books On Different Subjects Which Indicate That He Was An Unparalleled Savant Of Theology And Other Related Subjects Of His Time. Books Written By Him Are As Follows:

(1)   Kanzul Asrar.

(2) Lataef E Ashrafi

(3) Maktubate Ashrafi

(4) Sharhe Sikandar Nama

(5) Sirrul Asrar

(6) Sharhe Awereful Marif

(7) Sharhe Fosusul Hakam

(8) Quawaedul Aquaed

(9) Ashraful Ansab

(10) Bahrul Azkar

(11) Ashraful Fawaed

(12) Ashraful Ansab

(13) Fawaedul Ashraf

(14) Tanbihul Akhwan

(15) Bashara Tuzzakerin

(16) Basharatul Ikhwan

(17) Musta Lehate Tasuwwuf

(18) Manaquibe Khulfae Rashedin

(19) Hujjaluzza Kerin

(20) Fatwa Ashrafia

(21) Tafseere Noor Bakhhia

(22) Irshadul Ikhwan

(23) Resala Wahdatulwajud

(24) Resala Dar Tajweze Tane Yazid

(25) Bahrul Haquaeque

(26) Nahve Ashrafia

(27) Kanzuddaquaeque

(28) Basharatul Mureedin

(29) Diwan–E–Ashraf.

Hazrat Syed Abdur Razzaq Noorulain

Jaame Lataif E Ashraf (Hazrat Nizam Yamani Rahmatullah Alaih) Qareebtees (30) Saal Safar Aur Hazar Mein Haazir E Khidmat Rahe Us Muddat Mein Kabhi Yaad Nahin Ki Hazrat Makhdoom Ashraf Ne Koi Hukm Farmaya Ho Aur Hazrat Syed Abdur Razzaq Noorulain Ke Siwa Dusre Ne Uski Baja Aawri Mein Sabqat Ki Ho.

(Lataif E Ashrafi Jild 7 Safa No.172)

Hazrat Sayyedna Makhdoom Abdur Razzaq Noorul Ain Radiyallahu Anhu Aulad E Gous E Aazam He :-

  1. Qutb E Rabbani Gous E Samdani Sultan Mira Mohyuddin Shaikh Abdul Qadir Jilani Radiyallahu Anhu…. Aapke Shehzade…
  2. Hazrat Sayyedna Taajuddin Abdur Razzaq Radiyallahu Anhu…. Aapke Shehzade…
  3. Hazrat Sayyed Abu Swaleh Nasr Radiyallahu Anhu…. Aapke Shehzade…
  4. Hazrat Sayyed Abu Nasr Mohammad Jilani Radiyallahu Anhu…. Aapke Shehzade…
  5. Hazrat Sayyed Zahiruddin Ahmed Jilani Radiyallahu Anhu…. Aapke Shehzade…
  6. Hazrat Sayyed Saifuddin Yahya Jilani Hamvi Radiyallahu Anhu…. Aapke Shehzade…
  7. Hazrat Sayyed Shamshuddin Mohammad Jilani Hamvi Radiyallahu Anhu…. Aapke Shehzade…
  1. Hazrat Sayyed Alauddin Ali Jilani Hamvi Radiyallahu Anhu…. Aapke Shehzade…
  2. Hazrat Sayyed Badruddin Hasan Jilani Hamvi Radiyallahu Anhu…. Aapke Shehzade…
  3. Hazrat Sayyed Abul Abbas Ahmed Jilani Hamvi Radiyallahu Anhu…. Aapke Shehzade…
  4. Hazrat Sayyed Abdul Gafoor Hasan Jilani Hamvi Radiyallahu Anhu…. Aapke Shehzade…
  5. Hazrat Sayyed Abdur Razzaq Noorul Ain Jilani Ashrafi Radiyallahu Anhu…

Aala Hazrat Farmate Hain …

“Teri Nasle Paak Me He Bachcha Bachcha Noor Ka
Tu He Aine Noor Tera Sab Gharana Noor Ka”

Ek Martaba Gousul Aalam Hazrat Sayyedna Makhdoom Ashraf Jahangir Simnani Radiyallahu Anhu Ne Hazrat Sayyedna Abdur Razzaq Noorul Ain Radiyallahu Anhu Se Farmaya Ki…

“Mene Apne Aap Ko Tum Par Mukammal Nisaar Kar Diya Aur Tumse Koi Dareg Na Ki Aur Tumhari Aulad Ke Haq Me Allah Ta’ala Se Ye Bhi Darkhwast Ki He Ke Hamesha Maqbool O Mas’ood Rahe”

“Aur Tumhari Aulad Ke Har Tabqe Me Ek Rijaalul Gaib Aur Majzoob Hoga Aur Ek Aisa Shakhs Hoga Jiske Andar Meri Haalat Utar Aaegi”

Hazrat Sayyedna Sarkar Makhdoom Paak Radiyallahu Anhu Ne Farmaya Ke “Buzurgo Ko Roohe Unki Aulad Ke Sath Rehti He”

(Tazkira Hazrat Makhdoom Ashraf Simnani)

Gousul Aalam Hazrat Sayyedna Makhdoom Ashraf Jahangir Simani Radiyallahu Anhu Ne Hazrat Sayyedna Abdur Razzaq Noorul Ain Radiyallahu Anhu Se Farmaya Ke..

“Mene Tumhari Aulad Ko Khazana E Ilahiya Me Sharik Kiya Hai Aur Haq Ta’ala Se Darkhwast Ki Hai Ki Agar Abdur Razzaq Ki Aulad Qaane’a Ho Yaani Duniya Se Be Ragbat Ho To Unko Kisi Ka Mohtaj Na Karna. Adna Si Tavajjoh Se Unke Kaam Ban Jaaenge”

Gousul Aalam Hazrat Sayyedna Makhdoom Ashraf Jahangir Simani Radiyallahu Anhu Ne Farmaya Ke “Farzanadane Noorul Ain Azizul Vujud Honge. Main Hayaat Va Mamaat Me Unke Sath Hoon Uske Baad Aapne Ye Do Sh’er Padhe” (Jiska Tarjuma Ye He)

“Jo Shakhs Aulia Ko Murda Samajhta He Wo Khud Murda He. Aulia Zinda Hai. Ashraf Zinda He, Murda Nahi. Jaha Se Use Pukaroge Pahonch Jaaege”

Leave a Reply

Your email address will not be published. Required fields are marked *